رغمـ الغياب المحتملـ
وان الحياه من غير أمل
رغمـ اشتياقى للحاجات
والبُعد فـ القُرب اكتملـ ..
عايزه اطير وبدونـ جناح
وسط الحكاوى والعِبَر
عايزه اعدى بمركبه
حبِّةْ حروفـ متكركبه
بحلمـ اشخبط عالحيطان
وارسمـ حياتى مُكَعَبه
واخبط فـ كل زاويه صِفر
وابدأ فـ يومى من جديد
اربطـ بشاش كل الحاجـات
واستنا ييجى وقت عيد
اعملـ كأنى مَش هنـا
يمكن عليا يسألوا
هرجع الاقى ميِت جواب?
ولا عليا استكتروا !
نفسى اغمضـ ع الحقايق
وانده خيالى من بعيد
حتى ان ماردش وبسكات
همشيله على كل الحاجات
واوصله واحلمـ من جديد
واحلمـ بجوا جوا منى
ان الأمـلـ بقى مٌكتَمَلـ
وان الفَرَح بقى شئ أكيد
يمكن اشوفنى ببتسمـ .. او ضحكتى توصلـ بعيد !
