بسم الله الرحمن الرحيم
أولا:ماهو النخاع الطبيعى
النخاع الطبيعى هى ماده تتكون داخل العظام ولكن أحنا هنا نتكلم عن نخاع البقر و الجاموس ماده مغذيه جدا جدا للأكل وغير الأكل فيها خلاصة غذاء الجسم كله و بهاريز الفيتامينات و المكونات الأساسيه الى بيحتاجها الجسم النخاع طبعامن الأخر الى بيه بيمشى الجسم البشرى و الحيوانى.
ثانيا:فوائدالنخاع
فوائد النخاع متعدده بس انا هنا هتكلم فى الجزء الى انا متأكده مليون فى الميه منه ،وهو ان اكل النخاع الى كلنا ممكن نرميه و نئرف منه ده مفيد جدا جدا للنخاع الشوكى عند البنى أدم دى حاجه،
الحاجه بئه الى هتكلم عنها هى فايدته للشعر والى انا مجربها شخصيا وعلى فكره انا عمرى ما هكتب اى شيئ بعون الله فى المنتدى الا لما اكون مجرباه و مذكراه كويس عشان طبعا مضرش حد يعنى انا مش بتكلم من فراغ كله كلام من عند الدكاتره قرايبى و كمان من خلال تجميع معلومات
---النخاع يعوض الشعرعن اى نوع دهون الشعر فقده مهما كان نوع الشعر ومهما كان مستوى اجهاد الشعر و ضعفه
---النخاع فيه فيتامينات متعدده جدا و خصوصا البروتينات الى داخله فى تكوين الشعر
تعالوا بئه نشوف ازاى نستعمله
1-هتشترى النخاع ده من عند الجزار تروحى تقوليله انا عايزه نخاع هيديكى و يمكن من غير فلوس عشان ملوش اهميه عنده و لو جزار عبقرىي وعارف قيمته هياخد مبلغ رمزى جدا
2-تجيبى اى كميه لأنك ممكن تشيليه فى الفريزر لحد ما تستعمليه مره تانيه مش هيجراله اى حاجه
3-شكل النخاع بيكون شبه قطعة الزبده البيضاء بس طبعا مش مستدير ده طويل وأول ماتمسكيه بيسيح فى أيدك اويعطيكى ملمس الفازلين
4-لو حبيتى تسيحى النخاع و تضعيه فى علبه براحتك بس انا اخدته من الجزار على شعرى عالطول و مش تغليه تسيحيه يفك من بعضه بس
5-بيكون ريحته طبعا زى ريحة اللحم بس مش نفاذة ولا مقرفه لأن لو كانت مقرفه كنت جيبت الى فى بطنى عالطووووول لأنى بقرف جدا
6-تجيبى كميه مناسبه و يكون شعرك نضيف و غسلاه بالماء الساخن عشان تكون المسام متفتحه و شعرك دافى نشفى شعرك من الماء بحيث يكون مندى
5-و أبتدى من الجزور قسمى منطقه منطقه خدى من النخاع افركيه بين اصابعك القطعه الى فى أيدك هتسيح وادعكى فروة رأسك وأستمرى لحد ماتخلص فروة رأسك وانزلى على الشعر واعمليه كله وغطى شعرك بكيس او بونيه الحمام.
6-خلصتى؟سيبى بئه شعرك مش أقل من ساعه عايزه ازيد اوكيه يكون أحسن انا سيبته لحد ما خلصت كل شيئ فى البيت مع ماما و باليل غسلته
7-أغسلى شعرك بماء مائل للسخونه يعنى متغليش راسكواغسلى بالشامبو بيتاعك هتلاحظى من أول مره غسلتى شعرك ان النخاع الزائد طلع كله وملوش اى أثر يعنى لا ريحه ولا ملمس دهنى سهل جدا فى غسله
8-ان شاء الله هتلاحظى الفرق من أول مره تلاقى شعر ناعم مفرود و فيه لامعه وحيويه.
