من طبعي ارد الإسائة .. بالاحسان
من طبعي ارد الإسائة .. بالاحسان
وأسايــر ظــروف .. الزمان اللعينـــه ..
وأطوف الغلطه من فلان .. وفـلان
يعني من أجل عين .. تكرم مدينـــه ..
الكامل الله والخطا .. طبع الانسان
والـدرب يفرق عن يساره .. ويمينـه ..
و الصاحب اللي له معزه .. وله شان
ان جانـي بـشينـــه .. تذكرت زينــه ..
اتحمل اخطاءه معي .. قدر الأمكان
من جانبـي تبقى العلاقـه .. متينـه..
واللي يغلطني وانا ماني .. بغلطان
اصابعـي احطهـا وســـط .. عينـــه..
مادامني مسلم .. وفي قلبي إيمان
عمر البحـر ماشال .. هـم السفينـه ..
مرت علي انواع .. واشكال .. وألوان
بين العقول الناقصـــه .. والرزينـــه..
عندي قناعه ان .. الإنسان شيطان
اذا يهينــك .. لازم انــك .... تهينــــه ..
يعنــي اذا حاجتـك .. بيدين عدوان
يكفيــك شر المهزلـــه .. والغبينــه ..
من كثر ماجاني من الناس .. خذلان
تحرجنـي حتـى كلمــة .. الله يعينـه..
الشخص دام انه بكل شي ..خسران
تأكــد انهــا من عمايــل ... يدينـــه ..
أعجبتني وأتمنى تعجبكم
