السلام عليكم
كم عشقت المستحيل وكم ذخرت الاستحاله
لين صرت احجز مكاني فالصفوف الاولية
اعشق الخيل الاصيله لانها رمز الاصاله
في البلاد العربيه وفي البلاد الاجنبيه
والهجن والطير والبحر وأهل البر ودلاله
والغلا والطيب والشعر بحروفه الابجديه
والشعر حاله وانا شاعر امر بآلف حاله
من تواضــع لـ محبه لـ عدى لـ عنجهيه
ولاكتبته اكتبه من فكر ماهو من جهاله
شمس فكري ماتغيب وجمرة الابداع حيه
للمحب احساسه الصادق وللشاعر خياله
يعزف احساسه على وتر اللحون السامريه
ذعذعت ريح الشمال وكن قلبي من شماله
لاجنوبه يشعر بريح الشمال الخارجيه
كله لعين الحبيب اللي ملك قلبي لحاله
وملكة بعيونه السود وملامح البريه
أتذكر كل ماهب الشمال وهز شاله
ولتوى من فوق عوده طيت(ن) من فوق طيه
واتذكر كل مامال الغصن عوده لاماله
فيه من ميل الغصن والغصن به منه شويه
وأتذكر صبحه الضاحك وليله من خلاله
والجبين اللي مثل شمس الضحى عيد الضحيه
وأتذكر لون خده كل ماذكرو مجاله
وردتين حمر في بستان ماهي مزهريه
واتذكر بسمته دلعه رقته ودلاله
وابتسامات الشفاه ونظره العين الشقيه
قبل ما يرحل ويتركني بلا علم ورساله
نرجسي وانا بحبه ماعرفت النرجسيه
ويش اسوي في حبيب(ن) يحسب قلبي حلاله
والمصيبه قلبي موافق ونفسي له رضيه
القضية كيف احس بلهفته ولا وصاله
ياقضاة الحب من يقدر على حل القضيه
دام اخذ قلبي من ضلوعي يدور لي بداله
وكان ماعنده بداله لازم يرده عليّه
لا يخليني بلا قلب على العشاق عاله
يعرفني نيتي وحده ماهي خمسين نية
اندله قلبه من الفرقى ترى مانيب داله
كيف ابدله من حبيب بالغلا ماشفت زيه
لايطول بالفراق ويعتبر وصله جماله
الجماله ردها واجب على راع الحميه
نظرة(ن) من عيني لعينه وانا واقف قباله
كافيه انها تعوض لمسة ايديه بإيدّيه
ان حصل مني خطا مليون مره قلتها له
يخطي العبد ويتوب ويغفر الله الخطية
كم مساحه كل بر وكم عدد حبة رماله
