بسم الله الرحمن الرحيم..
أنا اللي خلقت الشعر واللي خــلـقـنـي مـَـن
فضلـه علـي وليـن سـمـــيــت خــــلاقـــــــه
أقوله ولا لي مَـن وأبـــــدع ولا لـــي مـــن
والأصحاب تحسدنـي والأعــــــداء بـواقــــه
ترى كبرياء الـمـبــدع بـحــد ذاتــــــه فـــــن
إذا كان ما تـأثـــر عـلــى بـاقـــي أخـلاقـــــه
تسرج بـــنـــات الفكـر والـنــادرات تـــعـــن
تمـر الأصـايـل, وتـعـدى وســـبــــاقـــــــــه
وأنا من بلاني في غـــرامـــه هو اللـي مـن
عيونـي علـى بيتـه لا مــريـــــت ســراقـــه
يا فتان طـال الـــبـــعــــد وأنـا عــليـك أون
ونيـن بـدوي طايـح مـن ظـهـــر نــاقــــــــه
تكسر عظـم ساقه/ومــالــت عــلــيـه وحـن
يــمـسـح عـلـيـهــا ويـتــألــــم عـلـى سـاقـه
وأنا طحت من عينك ولا مــلـــت لـي لكـن
حنيني حنينـه.. والغـلا ترحـم أشـــواقـــــه
الأمثال تضرب وأنت/ وش له تسيء الـظن
أسولف معك نفسي على الــوصـــل تـواقـه
إلى جيت بستان الخضر يا خــفــوقــي غـن
بأحاسيس من يسمع عن الوصل ما ذاقــــه
ولا تقول مالك صوت.. صوت المحب يرن
إلـى مـن يــحــبــه مـن خــفــوقــه لخفاقـه
نكن الغـلا.. وأصـلاً حـلاة الغـلا يــنـــكـن
لو ان كـــنـــتـه تاخذ مـن الـروح والطاقـه
يا فتنة مريد الـــجــن فتنـة مريـد الــجـــن
على محجـره مـن لـذة الشـوق دفـــاقــــــه
من أرخـص دمــوعـه يوم وصلك تأكد بأن
ما هــو ذاخر دمــعـــه إلـى طـــول فراقـه
ولا يوجد أعـذب من وأحــن وأصـدق مـن
دمـوع العيـون اللـي مــحــبـــه ومشتــاقـه
على كل حال.. إن كان/قـلــبـك عليـا حـن
أنا مستعـد أصيـر لـك راعـي الـــنـــاقـــه
